Помяни, Господи Иисусе
Христе, Боже наш, милости и
щедроты Твоея от века сущия,
ихже ради и вочеловечился
еси, и распятие и смерть,
спасения ради право в Тя
верующих, претерпети
изволил еси; и воскрес из
мертвых, вознеслся еси на
небеса, и седиши одесную
Бога Отца, и презираеши на
смиренныя мольбы всем
сердцем призывающих Тя;
приклони ухо Твое, и услыши
смиренное моление мене,
непотребнаго раба Твоего, в
воню благоухания духовнаго,
Тебе за вся люди Твоя
приносящаго. И в первых
помяни Церковь Твою Святую,
Соборную и Апостольскую,
юже снабдел еси Честною
Твоею Кровию, и утверди, и
укрепи, и разшири, умножи,
умири, и непреобориму
адовыми враты во веки
сохрани; раздирания Церквей
утиши, шатания языческая
угаси, и ересей восстания
скоро разори и искорени, и в
ничтоже силою Святаго Твоего
Духа обрати. (Поклон)
Спаси, Господи, и помилуй
богохранимую страну нашу,
власти и воинство ея, да тихое
и безмолвное житие поживем
во всяком благочестии и
чистоте. (Поклон)
Спаси, Господи, и помилуй
Великого Господина и Отца
нашего Святейшаго Патриарха
Кирилла, преосвященныя
митрополиты, архиепископы
и епископы православныя,
иереи же и диаконы, и весь
причет церковный, яже
поставил еси пасти словесное
Твое стадо, и молитвами их
помилуй и спаси мя грешнаго.
(Поклон)
Спаси, Господи, и помилуй
отца моего духовнаго , и святыми его молитвами
прости моя согрешения.
(Поклон)
Спаси, Господи, и помилуй
родители моя (Оксану и Андрея),
братию и сестры, и сродники
моя по плоти, и вся ближния
рода моего, и други, и даруй
им мирная Твоя и премирная
благая. (Поклон)
Спаси, Господи, и помилуй
старцы и юныя, нищия и
сироты и вдовицы, и сущия в
болезни и в печалех, бедах же
и скорбех, обстояниих и
пленениих, темницах же и
заточениих, изряднее же в
гонениих, Тебе ради и веры
православныя, от язык
безбожных, от отступник и от
еретиков, сущая рабы Твоя; и
помяни я, посети, укрепи,
утеши, и вскоре силою Твоею
ослабу, свободу и избаву им
подаждь. (Поклон)
Спаси, Господи, и помилуй
посланныя в службу,
путешествующия, отцы и
братию нашу, и вся
православныя христианы.
(Поклон)
Спаси, Господи, и помилуй
ихже аз безумием моим
соблазних, и от пути
спасительного отвратих, к
делом злым и неподобным
приведох; Божественным
Твоим Промыслом к пути
спасения паки возрати.
(Поклон)
Спаси, Господи, и помилуй
ненавидящия и обидящия мя,
и творящия ми напасти, и не
остави их погибнути мене
ради грешнаго. (Поклон)
Отступившия от православныя
веры и погибельными
ересьми ослепленныя, светом
Твоего познания просвети и
Святей Твоей Апостольстей
Соборней Церкви причти.
(Поклон)
Господи Спаси и Сохрани рабыню твою Анну.
Аминь
Опубликовано с m.livejournal.com.